ຕອນເຊົ້າວັນທີ 5 ກັນຍາ 2023 ຢູ່ທີ່ຫ້ອງປະຊຸມຂອງຄະນະໂຄສະນາອົບຮົມແຂວງຊຽງຂວາງ ໄດ້ຈັດພິທີເຜີຍແຜ່ເຊື່ອມຊືມເອກະສານທີ່ສໍາຄັນຂອງພັກ ໃຫ້ແກ່ພະນັກງານພາຍໃນຂອງຄະນະໂຄສະນາອົບຮົມແຂວງ ໂດຍໃຫ້ກຽດເຂົ້າຮ່ວມເປັນປະທານຂອງ ສະຫາຍ ນາງ ພວງພະຈັນ ມູນທະວົງ ກຳມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ, ມີຮອງຫົວໜ້າຄະນະ, ຫົວໜ້າຂະແໜງ-ຮອງຫົວໜ້າຂະແໜງ, ຕະຫຼອດຮອດພະນັກງານວິຊາການເຂົ້າຮ່ວມທັງໝົດ 20 ສະຫາຍ; ຍິງ 9 ສະຫາຍ; ການເຜີຍແຜ່ເຊື່ອມຊຶມໃຊ້ເວລາ 1 ຕອນ.ເອກະສານທີ່ນໍາມາເຜີຍແຜ່ໃນຄັ້ງນີ້ມີດັ່ງນີ້: ຄໍາສັ່ງຂອງຄະນະເລຂາທິການສູນກາງພັກ ສະບັບເລກທີ 411/ຄລສພ, ລົງວັນທີ 8 ສິງຫາ 2023 ວ່າດ້ວຍການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງພັກ, ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 6 ສະໄໝທີ XI ແລະ ຄໍາສັ່ງ ຂອງຄະນະເລຂາທິການສູນກາງພັກ ສະບັບເລກທີ 387/ ຄລສພ, ລົງວັນທີ 16 ມິຖຸນາ 2023 ວ່າດ້ວຍການກະກຽມ ແລະ ສະເຫຼີມສະຫຼອງວັນເກີດ ປະທານ ຄໍາໄຕ ສີພັນດອນ ຄົບຮອບ 100 ປີ. ການເຊື່ອມຊຶມເອກະສານໃນຄັ້ງນີ້ແມ່ນເພື່ອເຮັດໃຫ້ພະນັກງານມີຄວາມຮັບຮູ້, ເຂົ້າໃຈ ແລະ ກໍາແໜ້ນຕໍ່ແນວທາງການປ່ຽນແປງໃໝ່ຂອງການຊີ້ນໍາ-ນໍາພາຂອງພັກ ໃຫ້ມີຄວາມເຂັ້ມແຂງຂຶ້ນເລື້ອຍໆ ເປັນການກະກຽມຄວາມພ້ອມເພື່ອເຄື່ອນໄຫວຈັດຕັ້ງປະຕິບັດຄໍາສັ່ງດ່ງກ່າວໃຫ້ສອດຄ່ອງ, ແທດເຖິງຕົວຈິງ ແລະ ມີປະສິດທິຜົນສູງ.
ໂດຍ: ສີຍອງ ພອນທະຈັນ