ທ່ານ ລາວປາວຊົ່ງ ນະວົງໄຊ ກໍາມະການສູນກາງພັກ
ຮອງຫົວໜ້າຄະນະໂຄສະນາອົບຮົມສູນກາງພັກ ລົງເຄື່ອນໄຫວເຮັດວຽກຢູ່ເມືອງໜອງແຮດ.
ໃນເວລາ 14 ໂມງ 30 ນາທີ ຂອງວັນທີ 6 ທັນວາ 2024 ຢູ່ທີ່ຫ້ອງປະຊຸມຫ້ອງວ່າການປົກຄອງເມືອງໜອງແຮດ, ທ່ານ ລາວປາວຊົ່ງ ນະວົງໄຊ ກໍາມະການສູນກາງພັກ ຮອງເລຂາຄະນະພັກ ຮອງຫົວໜ້າ ຄະນະໂຄສະນາອົບຮົມສູນກາງພັກ, ພ້ອມດ້ວຍຄະນະ ແລະ ຄະນະຕິດຕາມຈາກຄະນະໂຄສະນາອົບຮົມແຂວງ ໄດ້ລົງເຄື່ອນໄຫວເຮັດວຽກຢູ່ເມືອງໜອງແຮດ ໂດຍໄດ້ພົບປະໂອລົມກັບຄະນະພັກ, ພະນະນັກງານ ການນຳຂອງເມືອງໜອງແຮດ ໂດຍມີທ່ານ ຕູ້ຢ່າ ຢົງວ່າ ກໍາມະການພັກແຂວງ ເລຂາພັກເມືອງ ເຈົ້າເມືອງໜອງແຮດ ພ້ອມດ້ວຍ ຫົວໜ້າຫ້ອງການອ້ອມຂ້າງເມືອງ ແລະ ພະນັກງານຄະນະໂຄສະນາອົບຮົມເມືອງ ເຂົ້າຮ່ວມ.
ໃນພິທີ ທ່ານ ຕູ້ຢ່າ ຢົງວ່າ ເລຂາພັກເມືອງ, ເຈົ້າເມືອງໜອງແຮດ ໄດ້ສະແດງຄວາມຊົມເຊີຍ, ຄວາມຮູ້ບຸນຄຸນຕໍ່ ການນໍາຂັ້ນສູນກາງທີ່ໄດ້ລົງໃກ້ສິດຕິດແທດ, ຊຸຸກຍູ້ວຽກງານຢູ່ທ້ອງຖິ່ນຮາກຖານ ແລະ ໄດ້ລາຍງານສະພາບການພັດທະນາ ເສດຖະກິດສັງຄົມຢູ່ເມືອງໜອງແຮດຕໍ່ທີ່ປະຊຸມໂດຍຫຍໍ້ດັ່ງນີ້: ເມືອງໜອງແຮດມີເນື້ອທີ 233.569 ເຮັກຕາ ເປັນເມືອງພູ ດອຍ 100% ຫ່າງຈາກເທດສະບານແຂວງ 117 ກິໂລແມັດ, ມີເສັ້ນທາງເລກ 7A ຜ່ານຕົວເມືອງໜອງແຮດໄປຫາດ່ານສາ ກົນນ້ຳກັ່ນ, ເມືອງໜອງແຮດ ມີ 11 ກຸ່ມບ້ານ, ມີ 105 ບ້ານ, ມີ 6.759 ຄົວເຮືອນ, ມີພົນລະເມືອງທັງໝົດ 42.867 ຄົນ, ຍິງ 20.796 ຄົນ ແລະ ມີ 4 ເຜົ່າຄື: ເຜົ່າມົ້ງກວມ 63,71%, ເຜົ່າລາວລຸ່ມກວມ 15,21% ແລະ ເຜົ່າກຶມຸກວມ 9,96% ສັງຄົມມີຄວາມສະຫງົບປະຊາຊົນມີຄວາມສາມັກຄີປອງດອງບັນດາເຜົ່າ. ປີ 2024 ເມືອງໄດ້ສົ່ງເສີມການປູກສາລີຂອງປະຊາ ຊົນໄດ້ 36.000 ໂຕ່ນ, ການລ້ຽງສັດໃຫ່ຍກໍ່ເພີ່ມຂຶ້ນປັດຈຸບັນມີງົວ 35.365 ໂຕ, ຄວາຍ 4.701 ໂຕ, ແບ້ 6.683 ໂຕ, ໜູ 30.120 ໂຕ ແລະ ຂະຫຍາຍເນື້ອທີປູກຫຍ້າໄດ້ 208 ເຮັກຕາ ປັດຈຸບັນມີເນື້ອທີປູກຫຍ້າລຽ້ງສັດທັງໝົດ 3.052 ເຮັກຕາ, ຄະນະພັກ ອົງການຈັດຕັ້ງຕ່າງໆຢູ່ຂັ້ນເມືອງໄດ້ເອົາໃຈໃສສຶກ ສາອົບຮົມການເມືອງ-ແນວຄິດ, ເຊື່ອມຊຶມມະຕິ, ຄໍາສັ່ງ, ລະບຽບກົດໝາຍຂອງລັດຢ່າງເລີກເຊິ່ງ ແລະ ກ້ວາງຂວາງເຮັດໃຫ້ພະນັກງານ, ລັດຖະກອນ ແລະ ພໍ່ແມ່ປະຊາຊົນ ບັນດາເຜົ່າໃນທົ່ວເມືອງມີແນວຄິດອຸ່ນອຽນທຸ່ນທ່ຽນ, ຮັບຮູ້ເຊື່ອໝັ້ນຕໍ່ແນວທາງນະໂຍບາຍຂອງພັກ-ລັດ ແລະ ເຊື່ອໝັ້ນຕໍ່ການນໍາພາຂອງພັກ, ການຄຸ້ມຄອງຂອງລັດ ປະກອບສ່ວນເຂົ້າໃນການພັດທະນາເສດຖະກິດຂອງເມືອງໃຫ້ບັນລຸຕາມແຜນ ແລະ ຄາດໝາຍທີວາງໄວ້.
ໃນກອງປະຊຸມສະຫາຍ ນາງ ຄໍາຜຽນ ພົມມາສີດາວອນ ໄດ້ຂື້ນລາຍງານສະພາບການເກັບກໍາຫາງສຽງສັງຄົມຢູ່ ເມືອງ ໜອງແຮດ ປະຈໍາປີ 2024, ໃນກອງປະຊຸມໄດ້ມີຜູ້ແທນຈໍານວນ 8 ສະຫາຍໄດ້ຂື້ນປະກອບຄໍາເຫັນກ່ຽວກັບ ສະພາບ ແນວ ຄິດ-ຫາງສຽງສັງຄົມຢູ່ເມືອງໜອງແຮດ, ຕົ້ນຕໍແມ່ນຫາງສຽງຂັດແຍ່ງທີ່ດິນ, ບັນຫາເສັ້ນທາງສັນຈອນເປ່ເພ ຫຼາຍ, ການຄຸ້ມຄອງລົດບັນທຸກບໍ່ໄດ້, ການຄຸ້ມຄອງຜູ້ຂັບຂີ່ບໍ່ໄດ້, ລັດບໍ່ໄດ້ລາຍຮັບຈາກການຂົນສົ່ງທີ່ເປັນຂອງຄົນຕ່າງປະ ເທດ, ບັນຫາ ບ້ານຫ່າງໄກສອກຫຼີກທີ່ຍັງບໍ່ໄດ້ຊົມໃຊ້ໄຟຟ້າມີ 4 ບ້ານຢູ່ເມືອງໜອງແຮດ ແລະ ອື່ນໆ. ການປະກອບຄໍາເຫັນ ແມ່ນໄດ້ ເວົ້າເຖິງບັນຫາຕົວຈິງພ້ອມທັງໄດ້ສະເໜີບາງວິທີແກ້ໄຂທີ່ເຫັນວ່າເປັນທາງອອກທີ່ດີ.
ຈາກນັ້ນ ທ່ານ ລາວປາວຊົ່ງ ນະວົງໄຊ ກໍາມະການສູນກາງພັກ, ຮອງເລຂາຄະນະພັກ, ຮອງຫົວ ໜ້າຄະນະໂຄສະ ນາອົບຮົມສູນກາງພັກ ໄດ້ມີຄໍາເຫັນໂອລົມ ແລະ ໃຫ້ທິດຊີ້ນໍາຕໍ່ຄະນະພັກທຸກພາກສ່ວນໃຫ້ເອົາໃຈໃສ່ຕໍ່ການຮັບຟັງ, ການເກັບກໍາສະພາບແນວຄິດ-ຫາງສຽງສັງຄົມ, ໃຫ້ສຶບຕໍ່ສຶກສາອົບຮົມການເມືອງ-ແນວຄິດໃຫ້ທົ່ວເຖິງ ແລະ ປຸງລະດົມໃຫ້ສັງຄົມຖືເອົາວຽກງານໂຄສະນາອົບຮົມເປັນວຽກງານທີສາໍຄັນຂອງພັກ, ຢູ່ເມືອງກໍແມ່ນຄະນະບໍລິຫານງານພັກເມືອງ ແລະ ຮາກຖານພັກ, ຫ້ອງການຕ່າງໆຂອງເມືອງຕ້ອງໄດ້ເປັນເຈົ້າການເຄື່ອນໄຫວ, ແກ້ໄຂບັນຫາຫາງສຽງສັງຄົມທີ່ເກີດຂື້ນໃຫ້ຖຶກ ຕ້ອງຕາມແນວທາງຂອງພັກຄະນະໂຄສະນາອົບຮົມເມືອງຕ້ອງເພີ່ມທະວີບົດບາດເປັນເສນາທິການໃຫ້ແກ່ອົງຄະນະພັກເມືອງ, ຕົ້ນຕໍແມ່ນການກະກຽມດ້ານເອກະສານເພື່ອປາຖະກະຖາວັນສໍາຄັນຕ່າງໆຂອງພັກຂອງຊາດ ແລະ ການຝຶກອົບຮົມຕາມ ໂຄງການຕ່າງໆໃຫ້ສອດຄ່ອງກັບແຕ່ລະເປົ້າໝາຍ ແລະ ຕອນທ້າຍ ທ່ານ ລາວປາວຊົ່ງ ນະວົງໄຊ ໄດ້ ມອບຄອມພີວເຕີຈໍາ ນວນໜຶ່ງເຄື່ອງ ໃຫ້ຄະນະໂຄສະນາອົບຮົມເມືອງ ເພື່ອຮັບໃຊ້ວຽກງານທີສໍາຄັນ ຂອງຄະນະໂຄສະນາອົບຮົມເມືອງ.
ໂດຍ: ຈົວຢ່າງ ວ່າເຢ້