ສໍາເລັດການຝຶກອົບຮົມຄວາມຮູ້ພື້ນຖານກ່ຽວກັບລະບົບຄອມພິວເຕີ
ໃນລະຫວ່າງວັນທີ 21-23 ຕຸລາ 2024 ຢູ່ທີ່ຫ້ອງປະຊຸມຂອງຄະນະໂຄສະນາອົບຮົມແຂວງ ຄະນະໂຄສະນາອົບຮົມສູນກາງພັກສົມທົບກັບຄະນະໂຄສະນາອົບຮົມແຂວງຊຽງຂວາງ ໄດ້ຈັດຕັ້ງການຝຶກອົບຮົມຄວາມຮູ້ພື້ນຖານກ່ຽວກັບລະບົບຄອມພິວເຕີ, ການບໍາລຸງຮັກສາຄອມພິວເຕີ ໃຫ້ແກ່ພະນັກງານຄະນະໂຄສະນາອົບ ຮົມແຂວງ, ບັນດາເມືອງ, ຂອງແຂວງຊຽງຂວາງເປັນກຽດເຂົ້າຮ່ວມຂອງ ທ່ານ ວັນຕຸລາ ຮັກນຸດ ກໍາມະການພັກ, ຫົວໜ້າກົມຂໍ້ມູນ-ຂ່າວສານ ແລະ ຝຶກອົບຮົມ ຄະນະໂຄສະນາອົບຮົມສູນກາງພັກ, ທ່ານ ວັນນະສິນ ຜະລີຈັນ ຄະນະພັກ, ຮອງຫົວໜ້າຄະນະໂຄສະນາອົບຮົມແຂວງ, ມີນັກສໍາມະນາກອນທີ່ມາຈາກຄະນະໂຄສະນາ
ອົບຮົມແຂວງ, ເມືອງ, ສະຫະພັນແມ່ຍິງແຂວງ, ອົງການກວດກາລັດແຂວງ ແລະ ແນວລາວສ້າງຊາດແຂວງຊຽງຂວາງ ເຂົ້າຮ່ວມທັງໝົດມີ 28 ທ່ານ; ຍິງ 14 ທ່ານ. 
ບົດຮຽນທີ່ນໍາມາຮຽນໃນຄັ້ງນີ້ມີເອກະສານ 3 ບົດຄື: ບົດທີ 1 ຄວາມຮູ້ພື້ນຖານກ່ຽວກັບລະບົບຄອມພິວເຕີ; ບົດທີ 2 ການຕິດຕັ້ງວິນໂດ ແລະ ລົງໂປຣແກຣມຕ່າງໆ; ບົດທີ 3 ການແກ້ໄຂບັນຫາ ແລະ ການບໍາລຸງຮັກສາຄອມພິວເຕີ, ວິທະຍາກອນທີ່ມາຈາກກົມຂໍ້ມູນ-ຂ່າວສານ ຂອງຄະນະໂຄສະນາອົບຮົມສູນກາງພັກ, ເພື່ອເປັນການຍົກລະດັບຄວາມຮູ້, ຄວາມສາມາດໃຫ້ແກ່ການນໍາໃຊ້ເຄື່ອງມືເອເລັກໂຕຣນິກ ເຂົ້າໃນວຽກງານໂຄສະນາ, ວຽກງານການ ເມືອງ-ແນວຄິດ ຫັນສູ່ຄຸນນະ 
ພາບໃໝ່, ຕອບສະໜອງຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະ ໃໝ່ ໃຫ້ມີຄວາມສະດວກ, ວ່ອງໄວທັນການ,ຕົວຈິງຍົກເອົາບາງບັນຫາທີ່ເຄີຍພົບໃນການນໍາໃຊ໊ຄອມພີວເຕີມາປະກອບໃສ່ພາກປະຕິບັດຕົວຈິງ, ດ້ວຍຄວາມຮັບຜິດຊອບສູງໃນການປະຕິບັດໜ້າທີ່ຂອງຄະນະຮັບຜິດຊອບ ແລະ ນັກສຳມະນາກອນ ດ້ວຍບັນຍາກາດຟົດຟື້ນດີ. ຜ່ານຈາກການປະເມີນຄວາມຮັບຮູ້ຂອງນັກສໍາມະນາກອນໄດ້ປະມານ 80%. ການຝຶກອົບຮົມໄດ້ດໍາເນີນມາເປັນເວລາ 3 ວັນ ແລະ ໄດ້ປິດລົງໃນເວລາ 11ໂມງ 00 ນາທີ ຂອງວັນທີ 23 ຕຸລາ 2024 ດ້ວຍຜົນສຳເລັດອັນຈົບງາມ.
ໂດຍ: ສີຍອງ ພອນທະຈັນ