ປະຫວັດຄວາມເປັນມາ ແລະ ລາຍຊື່ ບັນດາ ຄະນະນຳ ຂອງຄະນະໂຄສະນາອົບຮົມແຂວງຊຽງຂວາງ ໃນແຕ່ລະໄລຍະ.
I. ປະຫວັດຄວາມເປັນມາຂອງ ຄະນະໂຄສະນາອົບຮົມແຂວງຊຽງຂວາງ.
ຄະນະໂຄສະນາອົບຮົມແຂວງຊຽງຂວາງ ແມ່ນຢູ່ພາຍໃຕ້ການຊີ້ນຳ-ນຳພາໂດຍກົງຂອງ ຄະນະປະຈຳພັກແຂວງ, ການເຄື່ອນໄຫວແມ່ນຕິດພັນກັບໜ້າທີ່ການເມືອງຂອງພັກໃນແຕ່ລະໄລຍະ. ພາຍຫລັງປະເທດໄດ້ຮັບການປົດປ່ອຍຢ່າງສົມບູນໃນ ປີ 1975 ວຽກງານໂຄສະນາອົບຮົມກໍ່ໄດ້ຮັບການຂະຫຍາຍຕົວ ແລະ ສືບຕໍ່ເຮັດພາ ລະບົດບາດສຶກສາອົບຮົມການເມືອງ-ແນວຄິດພະນັກງານ, ສະມາຊິກພັກ, ທະຫານ, ຕຳຫຼວດ ແລະ ປະຊາຊົນບັນດາເຜົ່າ ກ້າວເດີນໄປຕາມຈຸດໝາຍສັງຄົມນິຍົມທີ່ພັກວາງໄວ້ໃນແຕ່ລະໄລຍະ. ປະຕິບັດສອງໜ້າທີ່ຍຸດທະສາດຄື: ປົກປັກຮັກສາ ແລະ ສ້າງ ສາພັດທະນາປະເທດຊາດ. ອີງຕາມຄວາມຮຽກຮ້ອງຕ້ອງການທາງດ້ານ ໜ້າທີ່ ການເມືອງຂອງພັກປະຊາຊົນປະຕິວັດລາວເວົ້າລວມ, ເວົ້າສະເພາະ ຢູ່ແຂວງຊຽງຂວາງ ອົງການໂຄສະນາກໍ່ໄດ້ຮັບການສ້າງຕັ້ງຂຶ້ນໃນ ປີ 1975 ໃນເບື້ອງຕົ້ນເອີ້ນຊື່ວ່າ ກອງປຸກລະດົມຂົນຂວາຍ. ມາຮອດ ປີ 1983 ກອງປະຊູມໃຫ່ຍຄັ້ງທີ່ 1 ຂອງອົງຄະນະພັກແຂວງຊຽງຂວາງ ໄດ້ປ່ຽນຊື່ຈາກກອງຂົນຂວາຍ ມາເປັນ ຄະນະໂຄສະນາອົບຮົມແຂວງ ເຮັດໜ້າທີ່ພາລະບົດບາດ ເປັນໂຮງຮຽນທິດສະດີການເມືອງຂອງພັກ, ຮອດປີ 1984 ຄະນະໂຄສະນາອົບຮົມແຂວງ ໄດ້ຂະຫຍາຍຕົວອອກເປັນຫຼາຍຂະແໜງ ການ. ປີ 1985 ຄະນະປະຈໍາພັກແຂວງໄດ້ມີມະຕິຕົກລົງແຍກໂຮງຮຽນການເມືອງອອກຕ່າງຫາກ. ຫຼັງຈາກນັ້ນ ຄະນະໂຄສະນາອົບຮົມແຂວງ ໄດ້ເຮັດພາລະບົດບາດການຊີ້ນຳ-ນຳພາວຽກງານອົບຮົມ ແລະ ໂຄສະນາວິທະຍຸກະຈາຍສຽງຂອງແຂວງ.
ພາຍຫຼັງຂັ້ນເທິງໄດ້ມີທິດປັບປຸງກົງຈັກການຈັດຕັ້ງ ຄະນະໂຄສະນາອົບຮົມແຂວງ ໄດ້ແຍກອອກຈາກພະແນກຖະແຫຼງຂ່າວ, ວັດທະນະທຳ ( ໂຄສະນາຖະແຫຼງຂ່າວ ແລະ ວັດທະນະທຳ ). ໃນວັນທີ 15 ກັນຍາ 1993 ທີ່ຂຶ້ນກັບການຊີ້ນຳ ຂອງຄະນະປະຈຳພັກແຂວງ ໂດຍກົງ ນັບແຕ່ວັນທີ 16 ກັນຍາ 1993 ເປັນຕົ້ນມາ ແລະ ມີໜ່ວຍພັກ 1ໜ່ວຍ ມີສະມາຊິກພັກ 8 ສະຫາຍ, ຍິງ 1 ສະຫາຍ. ໃນນັ້ນມີກຳມະການພັກແຂວງ 1 ສະຫາຍ, ຄະນະພັກຮາກຖານ 1 ສະຫາຍ, ຄະນະໜ່ວຍພັກມີ 2 ສະຫາຍ. ພະນັກງານ-ລັດຖະກອນທັງໝົດນັບທັງບັນດາເມືອງ ມີ 19 ຄົນ. ໃນນັ້ນຢູ່ແຂວງ 10 ຄົນ ແລະ ຢູ່ເມືອງ 9 ຄົນ.
ຄະນະໂຄສະນາອົບຮົມແຂວງຊຽງຂວາງ ເປັນກອງເສນາທິການດ້ານການເມືອງ-ແນວຄິດ ໃຫ້ແກ່ຄະນະບໍລິຫານງານພັກແຂວງ. ມີຖານະທຽບເທົ່າກັບບັນດາພະ ແນກການຕ່າງໆຂອງແຂວງ, ເປັນຜູ້ຕິດຕາມເກັບກຳສະພາບແນວຄິດ, ວາງແຜນຊຸກຍູ້ຈັດຕັ້ງປະຕິບັດການໂຄສະນາສຶກສາອົບຮົມແນວທາງນະໂຍບາຍ, ມະຕິ, ຄຳສັ່ງຕ່າງໆ ຂອງອົງຄະນະພັກຂັ້ນເທິ່ງ, ລະບຽບກົດໝາຍຕ່າງໆຂອງລັດ, ແຜນພັດທະນາເສດຖະກິດ-ສັງຄົມ, ມູນເຊື້ອວັນປະຫວັດທີ່ສຳຄັນຂອງພັກ, ຂອງຊາດ, ຂອງທ່ານຜູ້ນຳທັງພາຍໃນ ແລະ ສາກົນ. ຈັດຕັ້ງການເຜີຍແຜ່, ເຊື່ອມຊືມ ໃຫ້ພະນັກງານ-ລັດຖະກອນ, ສະ ມາຊິກພັກ, ທະຫານ, ຕຳຫຼວດ ແລະ ປະຊາຊົນບັນດາເຜົ່າ.
ບັນດາລາຍຊື່ຫົວໜ້າຄະນະໂຄສະນາອົບຮົມແຂວງ ແຕ່ ປີ 1970-ປະຈຸບັນ
1. ປີ 1970 – 1972
ທ່ານ ສຸລິນ ເປັນຫົວໜ້າ
2. ປີ 1972 – 1977
ທ່ານ ຊາ ເປັນຫົວໜ້າ
3.ປີ 1977 – 1983
ທ່ານ ກາລາ ລໍ່ ເປັນຫົວໜ້າ
4. ປີ 1983 – 1993
ທ່ານ ຫຼ້າ ສິງດາລາ ເປັນຫົວໜ້າ
5. ປີ 1993 – 1998
ທ່ານ ຄຳດີ ອ່ອນລາວົງ ເປັນຫົວໜ້າ
6. ປີ 1998 – 2000
ທ່ານ ທອງສີ ສາຍທະລາ ເປັນຫົວໜ້າ
7. ປີ 2000 – 2004
ທ່ານ ຈັນດີ ປະຖຳມະວົງ ເປັນຫົວໜ້າ
8. ປີ 2004 – 2005
ທ່ານ ສົມພອນ ພິລາວົງ ເປັນຫົວໜ້າ
9. ປີ 2005 – 2012
ທ່ານ ທອງພອນ ໂນລາ ເປັນຫົວໜ້າ
10. ປີ 2012 – 2015
ທ່ານ ສົມດີ ສິດທິລາດ ເປັນຫົວໜ້າ
11. ປີ 2015 – ເດືອນ 10 ປີ 2022
ທ່ານ ຄອນສະໝຸດ ບຸນແພງພັນ ເປັນຫົວໜ້າ
12. ເດືອນ 10/2022 ຮອດປະຈຸບັນ
ທ່ານ ນ ພວງພະຈັນ ມູນທະວົງ ເປັນຫົວໜ້າ
II. ພາລະບົດບາດ
ເລກທີ 308/ຄປພຂ, ລົງວັນທີ 11 ພະຈິກ 2022 ກົດອ່ານ ແລະ ດາວໂລດ
III. ກົງຈັກການຈັດຕັ້ງ
ໂຄງຮ່າງການຈັດຕັ້ງ ຄະນະໂຄສະນາອົບຮົມແຂວງ