ປາຖະກະຖາສະເຫຼີມສະຫຼອງ ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 70 ປີ

ປາຖະກະຖາສະເຫຼີມສະຫຼອງ ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 70 ປີ

      ຕອນແລງວັນທີ 20 ມີນາ 2025 ແຂວງຊຽງຂວາງໄດ້ຈັດຕັ້ງພິທີປາຖະກະຖາວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ ແລະ ແລກປ່ຽນບົດຮຽນວຽກງານທີ່ພົ້ນເດັ່ນຂອງ 6 ພາກສ່ວນໃນກຸ່ມການເມືອງຄື: 1. ໂຮງຮຽນການເມືອງ ແລະ ການປົກຄອງ, 2.​ ຫ້ອງວ່າການແຂວງ, 3. ຄະນະຈັດຕັ້ງແຂວງ, 4. ຄະ ນະກວດກາລັດແຂວງ, 5. ຄະນະໂຄສະນາອົບຮົມແຂວງ, 6. ພະແນກການຕ່າງປະເທດແຂວງ, ໂດຍມີ ສະຫາຍ ນາງ ບົວສີ ນາຖາວົງ ຄະນະປະຈໍາພັກແຂວງ ປະ ທານແນວລາວສ້າງຊາດເປັນປະທານ, ມີຄະນະພັກ, ສະມາຊິກພັກ, ພະນັກງານ-ລັດຖະກອນຂອງ 6 ພາກສ່ວນ ແລະ ນັກສຶກສາທິດສະດີຊັ້ນກາງຮຸ່ນທີ 3 ເຂົ້າຮ່ວມຈໍານວນ 119 ສະຫາຍ ຍິງ 41 ສະຫາຍ.

ໃນພິທີ ສະຫາຍ ສີວອນ ບຸດດາຈັນ ກໍາມະການພັກແຂວງ ຫົວໜ້າໂຮງຮຽນການເມືອງ ແລະ ການປົກຄອງໄດ້ເລົ່າຄືນມູນເຊື້ອການກໍາເນີດເຕີບໃຫຍ່ຂອງພັກປະຊາຊົນປະຕິວັດລາວຄົບຮອບ 70 ປີ ແຫ່ງການນໍາພາຂອງພັກອັນສະຫຼາດສ່ອງໃສ.ຫຼັງຈາກນັ້ນ 6 ພາກສ່ວນໃນກຸ່ມການເມືອງໄດ້ ແລກປ່ຽນບົດຮຽນວຽກງານທີ່ຜົນເດັ່ນການເປັນເສນາທິການຂອງພັກ ເຊິ່ງມີ 6 ຫົວຂໍ້ຄື: 1. ໂຮງຮຽນການເມືອງ ແລະ ການປົກຄອງມີບົດບາດເຂັ້ມແຂງ ແລະ ພົ້ນເດັ່ນຫຼາຍດ້ານ, 2. ພາລະບົດບາດ, ໜ້າທີ່ຄວາມຮັບຜິດຊອບຂອງຄະນະພັກຄະນະຈັດຕັ້ງແຂວງກ່ຽວກັບວຽກງານພັກ-ພະນັກງານ, 3. ບົດບາດການເປັນເສນາໃຫ້ການນໍາ, 4. ວຽກງານໂຄສະນາອົບຮົມຢູ່ແຂວງຊຽງຂວາງ, 5. ​ການຮ່ວມມືກັບຕ່າງປະເທດຂອງແຂວງຊຽງຂວາງ, 6.​ ການເຕີບໃຫຍ່ຂອງວຽກງານກວດກາພາຍໃຕ້ການນໍາພາຂອງອົງຄະນະພັກແຂວງຊຽງຂວາງ.

ຕອນທ້າຍຂອງພິທີຍັງໄດ້ຟັງການໂອ້ລົມ ສະຫາຍ ນາງ ບົວສີ ນາຖາວົງ ຄະນະປະຈໍາພັກແຂວງ ປະທານແນວລາວສ້າງຊາດແຂວງ ໄດ້ຍ້ອງຍໍຕໍ່ຜົນງານການເຕີບໃຫຍ່ຂະຫຍາຍຕົວຂອງພັກຢູ່ແຕ່ລະພາກສ່ວນ ແລະ ໄດ້ເນັ້ນໃຫ້ຄະນະພັກ, ສະມາຊິກພັກແຕ່ລະສະຫາຍເອົາໃຈໃສ່ໃນການປະຕິບັດວຽກງານທີ່ສໍາຄັນຂອງພັກ ພ້ອມສຶກສາອົບຮົມການເມືອງ-ແນວຄິດໃຫ້ແກ່ສະມາຊິກພັກໃຫ້ທົ່ວເຖິງ, ການຄົ້ນຄວ້າບັນຫານິຕິກໍາຂອງພັກໃນແຕ່ລະໄລຍະເພື່ອນໍາມາຈັດຕັ້ງປະຕິບັດເຂົ້າສູ່ໜ້າວຽກງານຂອງແຕ່ລະພາກສ່ວນໃຫ້ສອດຄ່ອງ ແລະ ມີຜົນສໍາເລັດ, ສິ່ງສໍາຄັນແມ່ນການສືບທອດມູນເຊື້ອອັນສະຫງ່າອົງອາດ, ສະຫຼາດສ່ອງໃສຂອງພັກສ້າງພັກໃຫ້ເຕີບໃຫຍ່ເຂັ້ມແຂງ, ສ້າງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ ເພື່ອຍົກສູງບົດບາດການນໍາພາຂອງພັກເຂົ້າໃນການພັດທະນາເສດຖະກິດ-ສັງຄົມຂອງແຂວງຊຽງຂວາງໃຫ້ເຕີບໃຫຍ່ເຂັ້ມແຂງຂື້ນເລື້ອຍໆ.

ຂຽນໂດຍ: ບົວສີ ພັນທະສອນ

Leave a Reply

Your email address will not be published. Required fields are marked *

slot, slot pulsa, slot deposit pulsa, deposit pulsa, deposit pulsa tanpa potongan, slot pulsa 2024, slot pulsa terpercaya slot pulsa slot pulsa