ຍິນດີຕ້ອນນຮັບທ່ານເຂົ້າສູ່ເວບໄຊສ ຄະນະໂຄສະນາອົບຮົມແຂວງຊຽງຂວາງ                                                                            

ກອງປະຊຸມສ່ອງແສງລາຍງານສະພາບແນວຄິດ-ຫາງສຽງສັງຄົມປະຈຳເດືອນ 7 ປີ 2022

ກອງປະຊຸມສ່ອງແສງລາຍງານສະພາບແນວຄິດ-ຫາງສຽງສັງຄົມ.

 

ວັນທີ 15 ກໍລະກົດ 2022 ຄະນະເກັບກໍາຫາງສຽງສັງຄົມຂັ້ນແຂວງ ໄດ້ເປີດກອງປະຊຸມສ່ອງແສງລາຍງານສະພາບແນວຄິດ-ຫາງສຽງສັງຄົມ ປະຈໍາເດືອນ ກໍລະກົດ 2022 ຂຶ້ນ, ຢູ່ທີ່ຫ້ອງປະຊຸມຂອງຄະນະໂຄສະນາອົບຮົມແຂວງ ໂດຍພາຍໃຕ້ການເປັນປະທານຂອງ ທ່ານ ໜໍບີ ຫາຕົ່ງປາວ, ຮອງເລຂາພັກແຂວງ, (ຜູ້ຊີ້ນໍາວຽກງານການເມືອງ-ແນວຄິດຂັ້ນແຂວງ), ມີທ່ານ ນາງ ພວງພະຈັນ ມູນທະວົງ ກໍາມະການພັກແຂວງ, ຫົວໜ້າຄະນະໂຄສະນາອົບຮົມແຂວງ, ຫົວໜ້າຄະນະໂຄສະນາອົບຮົມເມືອງແປກ ພ້ອມຄະນະກຳມະການເກັບກໍາຫາງສຽງ-ສັງຄົມຂັ້ນແຂວງ ເຂົ້າຮ່ວມທັງໝົດ 30 ທ່ານ; ຍິງ 4 ທ່ານ.

ໃນກອງປະຊຸມ ທ່ານ ນາງ ພວງພະຈັນ ໄດ້ຂຶ້ນຜ່ານບົດລາຍງານສະພາບແນວຄິດ-ຫາງສຽງສັງຄົມດ້ານດີທີ່ສ່ອງແສງເຖິງບົດບາດການຊີ້ນໍາ-ນໍາພາຂອງຄະນະພັກ, ຄະນະນໍາທຸກຂັ້ນໄດ້ສຸມໃສ່​ສຶກສາ​ອົບຮົມ​ການ​ເມືອງ-​ແນວ​ຄິດ ໃຫ້ພະ​ນັກ​ງານ-ລັດ​ຖະ​ກອນ, ສະມາຊິກພັກ ແລະ ປະຊາຊົນບັນດາເຜົ່າຢ່າງຕໍ່ເນື່ອງ, ເພື່ອໃຫ້ມີຄວາມເຊື່ອໝັ້ນຕໍ່ການນໍາພາຂອງພັກ, ມີສະຕິເຄົາລົບລະບຽບຂອງພັກ, ກົດໝາຍຂອງລັດ, ຊຸກຍູ້ສົ່ງເສີມພັດທະນາເສດຖະກິດ-ສັງຄົມຂະຫຍາຍຕົວຕາມການພັດທະນາແບບຍືນຍົງ, ຕົ້ນຕໍແມ່ນການຈັດຕັ້ງເຊື່ອມຊຶມຜັນຂະຫຍາຍມະຕິ, ຄໍາສັ່ງ, ແຈ້ງການ ແລະ ນິຕິກໍາຕ່າງໆຂອງພັກ-ລັດ, ໂດຍສະເພາະແມ່ນການຈັດຕັ້ງປະຕິບັດສອງວາລະແຫ່ງຊາດ, ການສະເຫຼີມສະຫຼອງ ແລະ ຈັດຕັ້ງປາຖະກະຖາ 2 ວັນປະຫວັດສາດຄື: ປີສາມັກຄີມິດຕະພາບລາວ-ຫວຽດນາມ ວັນສ້າງຕັ້ງສາຍພົວພັນການທູດລາວຫວຽດນາມ ຄົບຮອບ 60 ປີ ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມືລາວ-ຫວຽດນາມ ຄົບຮອບ 45 ປີ ແລະ ຊຸກຍູ້ສົ່ງເສີມທຸກພາກສ່ວນໃນສັງຄົມ ແລະ ປະຊາຊົນບັນດາເຜົ່າໃນການຜະລິດຜົນລະປູກໃນລະດູຝົນ ປີ 2022 ໃຫ້ບັນລຸຕາມແຜນການ; ນອກນັ້ນ ຍັງໄດ້ລາຍງານຫາງສຽງສັງຄົມທີ່ເປັນປະກົດການຫຍໍ້ທໍ້ຂອງສັງຄົມທີ່ເກີດຂຶ້ນ ທີ່ຈະຕ້ອງໄດ້ສືບຕໍ່ແກ້ໄຂໃຫ້ທັນເວລາ, ຕົ້ນຕໍແມ່ນຄວາມບໍ່ເປັນລະບຽບຮຽບຮ້ອຍໃນສັງຄົມທີ່ເກີດຂຶ້ນຢູ່ແຕ່ລະຂົງເຂດ, ໃນກອງປະຊຸມຜູ້ແທນຍັງໄດ້ປະກອບຄໍາເຫັນ ແລະ ຄົ້ນຄ້ວາວິທີການແກ້ໄຂປະກົດການຫຍໍ້ທໍ້ຕ່າງໆ ຕົ້ນຕໍແມ່ນການຄອບຄຸມລາຄາສິນຄ້າ, ບັນຫາເງິນກີບອ່ອນຄ່າ, ນໍ້າມັນເຊື້ອໄຟ, ບັນຫາຢາເສບຕິດ, ການຂຸດຄົ້ນແຮ່ທາດຕ່າງໆ, ຂໍ້ຂັດແຍ່ງທີ່ດິນ, ການລັກລອບຂຸດຄົ້ນໄມ້, ການສ້ອມແປງທາງ ແລະ ປະກົດການຫຍໍ້ທໍ້ອື່ນໆ ຢູ່ແຕ່ລະເມືອງ.

ໃນຕອນທ້າຍທ່ານ ໜໍບີ ຫາຕົ່ງປາວ, ຮອງເລຂາພັກແຂວງ ໄດ້ມີຄໍາເຫັນຊີ້ນໍາຕໍ່ກອງປະຊຸມ ທ່ານໄດ້ຮຽກຮ້ອງມາຍັງບັນດາທ່ານຄະນະເກັບກໍາຫາງສຽງສັງຄົມ, ໃຫ້ຖືເອົາວຽກງານຕິດຕາມ ແລະ ເກັບກໍາຫາງສຽງສັງຄົມເປັນວຽກງານທີ່ສໍາຄັນຂອງພັກ, ຄະນະພັກທຸກຂັ້ນຕ້ອງໄດ້ເອົາໃຈໃສ່ສຶກສາອົບຮົມການເມືອງ-ແນວຄິດ ໃຫ້ພະນັກງານ-ລັດຖະກອນ, ທະຫານ, ຕໍາຫຼວດ, ຕະຫຼອດຮອດປະຊາຊົນບັນດາເຜົ່າໃຫ້ກວ້າງຂວາງ.

ໂດຍ: ສີຍອງ ພອນທະຈັນ

ວີດີໂອ....

ເລກໂທ ສຸກເສີນ

ແຈ້ງໄຟໄໝ້:   1119
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

                                                           

 

               

 

ຈຳນວນຄົນອອນໄລ໌ທ

ມີ 5  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

131566
ມື້ນີ້ມື້ນີ້37
ມື້ວານນີ້ມື້ວານນີ້183
ອາທິດນີ້ອາທິດນີ້497
ເດືອນນີ້ເດືອນນີ້851
ທັງໝົດທັງໝົດ131566