ຍິນດີຕ້ອນນຮັບທ່ານເຂົ້າສູ່ເວບໄຊສ ຄະນະໂຄສະນາອົບຮົມແຂວງຊຽງຂວາງ                                                                            

  • ກອງປະຊຸມສ່ອງແສງລາຍງານສະພາບແນວຄິດຫ
  • ແຂວງຊຽງຂວາງ ເພີ່ມທະວີຊຸກຍູ້, ຕິດຕາມ
  • ຄະນະໂຄສະນາອົບຮົມ ແຂວງ ຊຽງຂວາງ ປາຖະກ

ກອງປະຊຸມສ່ອງແສງລາຍງານສະພາບແນວຄິດຫາງສຽງສັງຄົມ ປະຈຳເດືອນ 06ປີ 2021

              ໃນຕອນເເລງຂອງວັນທີ 16 ມິຖຸນາ 2021 ຄະນະເກັບກໍາຫາງສ...
ຄະນະໂຄສະນາອົບຮົມ ແຂວງ ຊຽງຂວາງ ປາຖະກະຖາວັນສໍາຄັນຂອງຊາດ, ຂອງພັກ.

ຄະນະໂຄສະນາອົບຮົມ ແຂວງ ຊຽງຂວາງ ປາຖະກະຖາວັນສໍາຄັນຂອງຊາດ, ຂອງພັກ.

 ຄະນະໂຄສະນາອົບຮົມ ແຂວງ ຊຽງຂວາງ ປາຖະກະຖາວັນສໍາຄັນຂອງຊາດ, ຂອງພັກ.    ໃນ...
Previous
Next

ແຂວງຊຽງຂວາງ ເພີ່ມທະວີຊຸກຍູ້, ຕິດຕາມການສຶກສາອົບຮົມການເມືອງແນວຄິດເພື່ອກະກຽມດໍາເນີນກອງປະຊຸມໃຫຍ່ຂອງພັກ 3 ຂັ້ນ.

      

    ແຂວງຊຽງຂວາງ ເພີ່ມທະວີຊຸກຍູ້, ຕິດຕາມການສຶກສາອົບຮົມການເມືອງແນວຄິດເພື່ອກະກຽມດໍາເນີນກອງປະຊຸມໃຫຍ່ຂອງພັກ 3 ຂັ້ນ.

ໂດຍປະຕິບັດຕາມ ຄໍາສັ່ງຂອງຄະນະເລຂາທິການສູນກາງພັກສະບັບເລກທີ 04 / ຄລສພ, ລົງວັນທີ 07 ພຶດສະພາ  2018  ວ່າດ້ວຍການກະກຽມດໍາເນີນກອງປະຊຸມໃຫຍ່ ອົງຄະນະພັກກະຊວງ, ອົງການແຂວງ,

ນະຄອນ

ຫຼວງ; ອົງຄະນະພັກເມືອງ-ນະຄອນ ແລະ ຮາກຖານພັກໃນຂອບເຂດທົ່ວປະເທດ ແລະ ຄໍາແນະນໍາຂອງຄະນະປະຈໍາພັກແຂວງສະບັບ ເລກທີ 14/ຄປພຂ.ຊຂ, ລົງວັນທີ 25/12/2018 ວ່າດ້ວຍການນໍາໃຊ້ເອກະສານ ແລະ ຈັດຕັ້ງສຶກສາອົບຮົມການເມືອງ-ແນວຄິດໃຫ້ແກ່ສະມາຊິກພັກ, ພະນັກງານຫຼັກແຫຼ່ງ, ພະນັກງານທົ່ວໄປ ແລະ ປະຊາຊົນບັນດາເຜົ່າໃນທົ່ວແຂວງ. ອົງຄະນະພັກແຂວງຊຽງຂວາງ  ໄດ້ຄົ້ນຄວ້າໂຄສະນາສຶກສາອົບຮົການເມືອງ - ແນວຄິດໃຫ້ແກ່ສະມາຊິກພັກ, ພະນັກງານຫຼັກແຫຼ່ງ, ພະນັກງານທົ່ວໄປ ແລະ ປະຊາຊົນບັນດາເຜົ່າພາຍໃນແຂວງ, ໂດຍສະເພາະແມ່ນແນໃສ່ຍົກລະດັບຄວາມຮັບຮູ້-ເຂົ້າໃຈຂອງສະມາຊິກພັກກ່ຽວກັບເນື້ອໃນມະຕິກອງປະ ຊຸມໃຫຍ່ຄັ້ງທີ X ຂອງພັກໃຫ້ເລິກເຊິ່ງກວ່າເກົ່າ, ໃນການເສີມຂະຫຍາຍມູນເຊື້ອ ແລະ ຄວາມສາມັກຄີເປັນເອກະພາບພາຍໃນແຂວງ, ຕັ້ງໜ້າຝຶກຝົນຫຼໍ່ຫຼອມຄຸນທາດການເມືອງ ແລະ ຄຸນສົມບັດສິນທໍາປະຕິວັດ, ເຮັດໃຫ້ການຈັດຕັ້ງພັກປອດໃສ, ເຂັ້ມແຂງ, ໜັກແໜ້ນເພື່ອສືບຕໍ່ເຮັດສໍາເລັດໜ້າທີ່ການເມືອງໃນເງື່ອນໄຂປະຈຸບັນໄດ້ເປັນຢ່າງດີ.

          ອົງຄະນະພັກແຂວງຊຽງຂວາງຍາມໃດກໍ່ບໍ່ລົດລະ ແລະ ເອົາໃຈໃສ່ຢ່າງເປັນປະຈໍາຕໍ່ວຽກງານການສຶກສາອົບຮົມພະນັກງານ, ສະມາຊິກພັກ, ຍົກສູງຄຸນນະພາບການນໍາພາຂອງພັກ, ກໍາລັງສູ້ຮົບຂອງພັກບັນດາອົງການຈັດຕັ້ງແຕ່ລະຂັ້ນ, ພ້ອມກັນນັ້ນກໍ່ຮັດແໜ້ນສາຍພົວພັນອັນສະໜິດແໜ້ນລະຫວ່າງພັກກັບມະຫາຊົນ, ບັນດາແນວຄິດກ່ຽວກັບການປ່ຽນແປງໃໝ່, ການປັບປຸງປົວແປງພັກໃນໄລຍະໃໝ່, ເພື່ອຍົກສູງລະດັບແນວຄິດທິດສະດີຂອງພັກຢ່າງບໍ່ຢຸດຢັ້ງ, ຈົ່ງຮັກພັກດີ ແລະ ໜູນໃຊ້ທິດສະດີມາກ-ເລນິນຢ່າງມີຫົວຄິດປະດີດສ້າງເຂົ້າໃນພາລະກິດຕົວຈິງຂອງການປະຕິວັດ, ຄວາມສາມາດນໍາພາຂອງອົງຄະນະພັກແຂວງ; ໂຄສະນາປຸກລະດົມຈັດຕັ້ງປະຕິບັດຄໍາສັ່ງຄໍາ, ແນະນໍາຕ່າງໆຂອງພັກ, ຂອງກົມການເມືອງສູນກາງພັກ ແລະ ຄະນະເລຂາທິການສູນກາງພັກ, ຂອງລັດຖະບານໃຫ້ມີຄວາມເຂັ້ມງວດ ແລະ ສັກສິດ, ຊຸກຍູ້ສົ່ງເສີມຢ່າງແຂງແຮງ, ຄວາມເປັນແບບຢ່າງນໍາໜ້າຂອງສະມາຊິກພັກ, ພະນັກງານ ແລະ ບັນດາຊັ້ນຄົນໃນຂະບວນການແຂງຂັນຮັກຊາດ ແລະ ພັດທະນາໃນການແກ້ໄຂຄວາມທຸກຍາກຂອງປະຊາຊົນບັນດາເຜົ່າ,  ເພື່ອຈໍາກັດ ແລະ ຕີຖອຍປະກົດການຫຍໍ້ທໍ້ຕ່າງໆ.

          ແຂວງຊຽງຂວາງ ຖືເອົາການເຕົ້າໂຮມຄວາມສາມັກຄີເປັນເປັນປຶກແຜ່ນພາຍໃນເປັນປັດໃຈສໍາຄັນໃນການຕັດສິນເຖິງການຄົງຕົວແລະ ຂະຫຍາຍຕົວຂອງອົງຄະນະພັກແຂວງ, ຍ້ອນແນວນັ້ນຈິງຮັກສາໄດ້ຄວາມ ເປັນເອກພາບທາງດ້ານແນວຄິດ, ການຈັດຕັ້ງ ແລະ ການກະທໍາຕົວຈິງບົນພື້ນຖານຫຼັກການລວມສູນປະຊາທິປະໄຕ ແລະ ແນວທາງນະໂຍບາຍຂອງພັກ ແລະ ລະບຽບກົດໝາຍຂອງລັດ, ໃນນັ້ນເພີ່ມທະວີການນໍາທຸກຂັ້ນດ້ວຍການເຄົາລົບຫຼັກການລວມສູນປະຊາທິປະໄຕເຮັດວຽກເປັນໝູ່ຄະນະ, ບຸກຄົນຮັບຜິດຊອບ ແລະ ດ້ວຍວິການເຊີດຊູຈິດໃຈຕໍານິຊ່ວຍເຫຼື່ອເຊິ່ງກັນ ແລະ ກັນເພື່ອຄວາມກ້າວໜ້າຮັກສາທາດແທ້ປະຕິວັດເປັນຕົ້ນແມ່ນການປັບປຸງປົວແປງພັກທົ່ວແຂວງ, ເມືອງ,  ຮາກຖານພັກ, ພະເະແນກການ, ກົມກອງ, ຮາກຖານບ້ານ. ປະຈຸບັນແມ່ນກໍາລັງສືບຕໍ່ຈັດຕັ້ງປະຕິບັດແກ້ໄຂຜົນການສໍາຫຼວດກວດກາຢ່າງຈິງຈັງໂດຍປະຕິບັດຕາມທິດຊີ້ນໍາຂອງກົມການເມືອງສູນກາງພັກ, ຄະ ນະເລຂາທິການສູນກາງພັກ, ເພື່ອເຮັດໃຫ້ການຈັດຕັ້ງພັກທຸກຂັ້ນປອດໃສ, ເຂັ້ມແຂງ, ໜັກແໜ້ນ.

          ໂດຍສຸມໃສ່ຄັດຈ້ອນເລືອກເຟັ້ນ ແລະ ກໍ່ສ້າງພະນັກງານຫຼັກແຫຼ່ງ, ນໍາພາ, ຄຸ້ມຄອງທີ່ມີຄວາມຮູ້ຄວາມສາມາດສູງ, ມີຄຸນທາດການເມືອງທີ່ໜັກແໜ້ນ, ມີຄຸນສົມບັດສິນທໍາປະຕິວັດ ແລະ ເປັນບຸກຄົນທີ່ມີຄວາມໂປ່ງໃສໃນໜ້າທີ່ວຽກງານ.

          ເພື່ອໃຫ້ການຈັດຕັ້ງປະຕິບັດໃຫ້ບັນລຸຕາມແຜນການ ແລະ ຄາດໝາຍສູ້ຊົນທີ່ວາງໄວ້ອົງຄະນະບໍລິຫານງານພັກແຂວງຍັງໄດ້ວິເຄາະ, ໄຈ້ແຍກໜາກຜົນການຜັນຂະຫຍາຍວຽກງານດັ່ງນີ້:

- ແຂວງຊຽງຂວາງພວກເຮົາໄດ້ສືບຕໍ່ມີສະຖຽນລະພາບທາງດ້ານການເມືອງຢ່າງໜັກແໜ້ນ, ມີຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນສັງຄົມ, ໄດ້ສືບຕໍ່ລົງກໍ່ສ້າງຮາກຖານການເມືອງ ແລະ ແກ້ໄຂຄວາມທຸກຍາກຂອງປະຊາຊົນໄດ້ຢ່າງແທດເຖິງ, ເອົາໃຈໃສ່ສຶກສາອົບຮົມປະຊາຊົນໃນການເປັນເຈົ້າການ, ໃນວຽກງານປ້ອງກັນຊາດ, ສ້າງຕາໜ່າງ ປກສ, ກອງຫຼອນບ້ານໃຫ້ມີຄວາມເຂັ້ມແຂງ.

- ການຊີ້ນໍາຜັນຂະຫຍາຍແນວທາງ, ແຜນນະໂຍບາຍຂອງພັກໃນຂົງເຂດການເມືອງ ຢ່າງຕໍ່ເນື່ອງ ແລະ ສາມາດບັນລຸເປົ້າໝາຍເປັນກ້າວໆ, ທົ່ວເຖິງທຸກເປົ້າໝາຍ, ການສຶກສາອົບຮົມການເມືອງ-ແນວຄິດໄດ້ດໍາເນີນເປັນປົກກະຕິ, ເຮັດໃຫ້ພະນັກງານ, ສະມາຊິກພັກຮັບຮູ້ເຂົ້າໃຈຕໍ່ແນວທາງນະໂຍບາຍຂອງພັກ ແລະ ກົດໝາຍຂອງລັດໃນການປະບັດນະໂຍບາຍເບິ່ງແຍງ ແລະ ປິ່ນປົວສຸຂະພາບຂອງປະຊາຊົນຕາມທິດຖືເອົາການອະນາໄມ, ກັນພະຍາດ ແລະ ສົ່ງເສີມສຸຂະພາບເປັນຕົ້ນຕໍ, ເອົາໃຈໃສ່ການອະນຸລັກ ແລະ ເສີມຂະຫຍາຍວັດທະນະທໍາຂອງປະຊາຊົນບັນດາເຜົ່າ.

- ໄດ້ເອົາໃຈໃສ່ປັບປຸງ ແລະ ພັດທະນາກົນໄກແບບແຜນໃນການປະຕິບັດລະບອບ, ລະບຽບຂອງການບໍລິຫານລັດໃຫ້ຖືກຕາມທິດ 4 ບຸກທະລຸທີ່ກອງປະຊຸມໃຫຍ່ຄັ້ງທີ IX ຂອງຄະນະບໍລິຫານງານສູນກາງພັກວາງອອກເປັນຕົ້ນແມ່ນບຸກທະລຸທາງດ້ານຈິນຕະນາການ; ຍົກສູງຄຸນະພາບການຕິດຕາມກວດກາປະຕິບັດກົດໝາຍ, ປັບປຸງ ແລະ ບູລະນະກົງຈັກບໍລິຫານຄຸ້ມຄອງລັດດ້ວຍກົດໝາຍໃຫ້ມີຄວາມສັກສິດເປັນກ້າວໆຕາມທິດ 3 ສ້າງ, ​ແກ້ໄຂລະບອບວິທີເຮັດວຽກ ແລະ ລະບຽບການຂອງແຂວງທີ່ກົດໜ່ວງການຄຸ້ມຄອງບໍລິຫານລັດ; ເພື່ອເຮັດໃຫ້ຂັ້ນບ້ານ, ເມືອງ ແລະ ແຂວງມີລະບົບກົງຈັກທີ່ຄົບຊຸດ.

- ໄດ້ເພີ່ມທະວີຍົກສູງບົດບາດຂອງແນວລາວສ້າງຊາດ ແລະ ອົງການຈັດຕັ້ງມະຫາຊົນ, ສະຫະພັນນັກຮົບເກົ່າໃນການສ້າງກ້ອນກໍາລັງສາມັກຄີປອງດອງລະຫວ່າງເຜົ່າຊົນ, ຊັ້ນຄົນ ແລະ ເພດໄວໃນທົ່ວແຂວງ; ສຸ່ມໃສ່ຊີ້ນໍານໍາພາຊຸກຍູ້ໃຫ້ບັນດາອົງການຈັດຕັ້ງມະຫາຊົນໃຫ້ເຄື່ອນໄຫວຕາມພາລະບົດບາດ, ສິດ ແລະ ໜ້າທີ່ຂອງຕົນ, ຕັ້ງໜ້າຈັດຕັ້ງປະຕິບັດບັນດາຂໍ້ແຂ່ງຂັນຂອງແຕ່ລະອົງການ.

- ໄດ້ມີຄວາມພະຍາມສູງ, ຄວາມສາມາດນໍາພາຂອງພັກ ແລະ ຄວາມເປັນແບບຢ່າງນໍາໜ້າຂອງສະມາຊິກພັກ ເຊີ່ງໄດ້ດໍາເນີນມາດຕະການທີ່ສໍາຄັນກ່ຽວກັບບັນຫາປົວແປງພັກ, ປັບປຸງແບບແຜນວິທີເຮັດວຽກໃຫ້ມີຄວາມຖືກຕ້ອງ, ແກ້ໄຂແນວຄິດພະຍາດອາດຍາສິດ. ຕ້ານ ແລະ ສະກັດກັ້ນການສໍ້ລາດບັງຫຼວງ, ປັບປຸງມາດຕະຖານ, ແຜນກໍານົດ ແລະ ການຄຸ້ມຄອງພະນັກງານນໍາພາ-ຄຸ້ມຄອງ, ການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ.

- ວຽກງານການເມືອງ-ແນວຄິດເປັນວຽກຍຸດທະສາດຂອງພັກ, ເປັນພາກສ່ວນທີ່ສໍາຄັນໃນການຍົກສູງຄວາມຮັບຜິດຊອບ ແລະ ຄຸນນະພາບຂອງການນໍາພາດ້ານການເມືອງຂອງພັກ ແລະ ຫາກຍັງເປັນປັດໃຈປັບປຸງປົວແປງພາຍໃນພັກໃຫ້ເຂັ້ມແຂງ ແລະ ໜັກແໜ້ນ; ໄດ້ເອົາໃຈໃສ່ນໍາພາ-ຊີ້ນໍາຕໍ່ວຽກງານການເມືອງ-ແນວຄິດຖືເອົາວຽກງານດັ່ງກ້າວເປັນແຖວໜ້າ, ເປັນວຽກກົກ, ເປັນວຽກທີ່ໄດ້ເຮັດທຸກເວລາ, ເປັນວຽກທີ່ຂ້ຽວຂາດ ແລະ ສັບສົນກວ່າໝູ່ ເປັນວຽກໃຈກາງໃນການເຮັດໃຫ້ຈຸດໝາຍຍຸດທະສາດຂອງການປະຕິວັດໜ້າທີ່ວຽກງານປະກົດຜົນເປັນຈິງ.

- ເພີ່ມທະວີຄວາມຮັບຜິດຊອບເພື່ອແກ້ໄຂຜົນຂອງການດໍາເນີນຊີວິດການເມືອງປົວແປງພັກປີ 2017 ຕິດພັນກັບການແກ້ປະກົດການຫຍໍ້ທໍ້, ການເຊື່ອມຖອຍພາຍໃນພັກ, ມີຄວາມເດັດຂາດ, ເຂັ້ມງວດ; ອັນສໍາຄັນການນໍາພາຂອງອົງຄະນະພັກ, ອົງການປົກຄອງແຂວງຕ້ອງຮັກສາ ແລະ ເຊີດຊູຄວາມເຊື່ອໝັ່ນກໍາລັງແຮງຂັບເຄື່ອນສູ້ດ້ານຕັ້ງໜ້າຂຶ້ນກວ່າເກົ່າ.

ຄະນະບໍລິຫານງານພັກແຂວງຮຽກຮ້ອງມາຍັງຄະນະພັກ, ອົງການປົກຄອງແຕ່ລະຂັ້ນ, ສະມາຊິກພັກ ພະນັກງານ ແລະ ປະຊານບັນດາເຜົ່າຈົ່ງເຊີດຊູຄວາມສາມັກຄີເປັນປຶກແຜນຢູ່ອ້ອມຂ້າງຄະນະບໍລິຫານງານພັກແຂວງອົງການປົກຄອງແຂວງ  ພ້ອມກັນຍົກສູງຄວາມຮັບຜິດຊອບ  ແລະ  ເປັນເຈົ້າການໃນການເຊື່ອມຊືມ,  ກໍາແໜ້ນ ແລະ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ X ຂອງພັກປະຊາຊົນປະຕິວັດລາວມະຕິກອງປະຊຸມໃຫຍ່ຄັ້ງທີ VII ຂອງອົງຄະນະບໍລິຫານງານພັກແຂວງ ແລະ ປະຕິບັດຕາມຄໍາສັ່ງຂອງຄະນະເລາທິການສູນກາງພັກກ່ຽວກັບການກະກຽມດໍາເນິນກອງປະຊຸມໃຫຍ່ຂອງພັກ 3 ຂັ້ນໃຫ້ເປັນຂະບວນຟົດຟື້ນ ແຂງ ແຮງຕໍ່ເນື່ອງ ແລະ ເຮັດໃຫ້ເປັນວຽກງານຈຸດສຸມທີ່ອົງຄະນະພັກແຂວງວາງອອກໄດ້ຮັບການຈັດຕັ້ງປະຕິບັດ ແລະ ມີຜົນສໍາເລັດ.

                                                                                        ໂດຍ: ກອງສີ ພາສະຫວັດ

ວີດີໂອ....

ເລກໂທ ສຸກເສີນ

ແຈ້ງໄຟໄໝ້:   1119
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

                                                           

 

               

 

ຈຳນວນຄົນອອນໄລ໌ທ

ມີ 6  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

102956
ມື້ນີ້ມື້ນີ້77
ມື້ວານນີ້ມື້ວານນີ້84
ອາທິດນີ້ອາທິດນີ້385
ເດືອນນີ້ເດືອນນີ້1847
ທັງໝົດທັງໝົດ102956