ຍິນດີຕ້ອນນຮັບທ່ານເຂົ້າສູ່ເວບໄຊສ ຄະນະໂຄສະນາອົບຮົມແຂວງຊຽງຂວາງ                                                                            

  • ກອງປະຊຸມສ່ອງແສງລາຍງານສະພາບແນວຄິດຫ
  • ແຂວງຊຽງຂວາງ ເພີ່ມທະວີຊຸກຍູ້, ຕິດຕາມ
  • ຄະນະໂຄສະນາອົບຮົມ ແຂວງ ຊຽງຂວາງ ປາຖະກ

ກອງປະຊຸມສ່ອງແສງລາຍງານສະພາບແນວຄິດຫາງສຽງສັງຄົມ ປະຈຳເດືອນ 06ປີ 2021

              ໃນຕອນເເລງຂອງວັນທີ 16 ມິຖຸນາ 2021 ຄະນະເກັບກໍາຫາງສ...
ຄະນະໂຄສະນາອົບຮົມ ແຂວງ ຊຽງຂວາງ ປາຖະກະຖາວັນສໍາຄັນຂອງຊາດ, ຂອງພັກ.

ຄະນະໂຄສະນາອົບຮົມ ແຂວງ ຊຽງຂວາງ ປາຖະກະຖາວັນສໍາຄັນຂອງຊາດ, ຂອງພັກ.

 ຄະນະໂຄສະນາອົບຮົມ ແຂວງ ຊຽງຂວາງ ປາຖະກະຖາວັນສໍາຄັນຂອງຊາດ, ຂອງພັກ.    ໃນ...
Previous
Next

ເພີ່ມທະວີຄວາມສາມັກຄີປອງດອງປະຊາຊົນບັນດາເຜົ່າ

ຂ່າວ: ເພີ່ມທະວີຄວາມສາມັກຄີປອງດອງປະຊາຊົນບັນດາເຜົ່າ.

          ຄວາມສາມັກຄີຂອງປະຊາຊົນບັນດາເຜົ່າແມ່ນໜື່ງໃນບັນດາ 3 ຄໍາຂວັນທີ່ກອງປະຊຸມໃຫຍ່ຄັ້ງທີ VII ຂອງອົງຄະນະບໍລິຫານງານພັກແຂວງວາງອອກໂດຍມີເນື້ອໃນຄໍາຂວັນທີ່ວ່າ: ຍົກສູງຄວາມສາມາດນໍາໜ້າຂອງພັກ, ເພີ່ມທະວີຄວາມສາມັກຄີປອງດອງບັນດາເຜົ່າ, ເສີມຂະຫຍາຍມູນເຊື້ອວິລະຊົນເຂົ້າໃນການພັດທະນາແຂວງໃຫ້ຂະ ຫຍາຍຕົວຕໍ່ເນື່ອງຕາມທິດຍືນຍົງ. ຄວາມສາມັກຄີຈິ່ງເປັນປັດໃຈຕັດສິນໃນການຄົງຕົວ ແລະ ຂະຫຍາຍຕົວຂອງແຂວງ, ຄວາມເປັນເອກະພາບໃນຂະບວນວິວັດແຫ່ງການຕໍ່ສູ້ເພື່ອກໍ່ຕັ້ງ, ປົກປັກຮັກສາ ແລະ ສ້າງສາພັດທະນາປະເທດຊາດ, ປະຊາຊົນບັນດາເຜົ່າໄດ້ມີຄວາມສາມັກຄີ, ປອງດອງກັນເປັນວົງຄະນະຍາດແຫ່ງຊາດລາວເອກະພາບບົດຮຽນໃນປະຫວັດສາດຊີ້ໃຫ້ເຫັນວ່າ ປະຊາຊົນບັນດາເຜົ່າແມ່ນມີຄວາມອຸ່ນອ່ຽງທຸ່ນທ່ຽງ, ມີຄວາມສາມັກຄີເປັນອັນໜື່ງອັນດຽວກັນ, ບໍ່ເກີດຄວາມແຕກແຍກກັນ, ບໍ່ແບ່ງພັກແບ່ງພວກ, ສັງຄົມມີຄວາມສະຫງົບພາຍໃຕ້ການນໍາພາເປັນເອກະພາບຂອງພັກແຕ່ສູນກາງຮອດທ້ອງຖິ່ນ; ໃນທາງກົງກັນຂ້າມໃນເມື່ອສັງຄົມບໍ່ມີຄວາມສະຫງົບ, ບໍ່ມີຄວາມສາມັກຄີ, ການທໍາມາຫາກິນຂອງປະຊາຊົນ ແລະ ການສ້າງສາພັດທະນາແຂວງກໍ່ຈະພົບຄວາມຫຍຸ້ງຍາກ ເພາະສະນັ້ນຄວາມສາມັກຄີຈິ່ງເປັນປັດໃຈພື້ນຖານໃນການຕັດສິນຂອງການຄົງຕົວ ແລະ ຂະຫຍາຍຕົວຂອງແຂວງຊຽງຂວາງພວກເຮົາ.

          ເພື່ອເຮັດໃຫ້ຄວາມສາມັກຄີເປັນປຶກແຜ່ນແໜ້ນໜາ ຄະນະພັກແຕ່ລະຂັ້ນໄດ້ຖືສໍາຄັນການປັບປຸງກົງຈັການຈັດຕັ້ງ, ໃນລະບົບການເມືອງ ແລະ ອໍານາດການປົກຄອງໃນລະບອບປະຊາທິປະໄຕ ປະຊາຊົນໃຫ້ເຂັ້ມແຂງ ແລະ ອົງກອນຕ່າງໆ, ແບບແຜນການເຄື່ອນໄຫວຂອງບັນດາອົງການຈັດຕັ້ງມະຫາຊົນ, ເສີ່ມຂະຫຍາຍມູນເຊື້ອປະຕິວັດເຂົ້າໃນການພັດທະນາ ແລະ ແກ້ໄຂຄວາມທຸກຍາກພວກເຮົາຕ້ອງເອົາໃສ່ບາງບັນຫາດັ່ງນີ້:

  • ເພີ່ມທະວີຄວາມສາມັກຄີຂອງຊາວກະສິກອນ, ກໍາມະກອນ, ນັກຮຽນຮູ້ປັນຍາຊົນປະຕິວັດໃຫ້ມີຄວາມແໜ້ນແກ່ນ.
  • ຕັ້ງໜ້າປະຕິບັດສິດສະເໝີພາບ ແລະ ເສີມສ້າງຄວາມປອງດອງລະຫວ່າງເຜົ່າ ແລະ ຊັ້ນຄົນຕ່າງໆ, ກໍາຈັດແກ້ໄຂທຸກປະກົດການ ແລະ ການກະທໍາທີ່ໃຫ້ເກີດຄວາມແກ່ງແຍ່ງ, ຄວາມອາຄາດບາດໜາງກັນລະຫວ່າງເຜົ່າ ແລະ ຊັ້ນຄົນຕ່າງໆ.
  • ເພີ່ມທະວີການສຶກສາອົບຮົມທົ່ວປວງຊົນໃຫ້ຮັບຮູ້ ແລະ ເຂົ້າໃຈຢ່າງເລິກເຊິ່ງກ່ຽວກັບມູນເຊື້ອແຫ່ງຄວາມສາມັກຄີຮັກແພງ, ເອື້ອເຟື້ອເພື່ອແຜ່ຊ່ວຍເຫຼື່ອເຊິ່ງກັນ ແລະ ກັນ, ຢູ່ຮ່ວມກັນດ້ວຍຄວາມປອງດອງ ແລະ ພ້ອມກັນສ້າງສາພັດທະນາບ້ານ, ເມືອງ ແລະ ແຂວງໃຫ້ມີຄວາມຈະເລີນ.
  • ເພີ່ມທະວີສະຕິລະວັງຕົວຕໍ່ການເຄື່ອນໄຫວຂອງອິດທິກໍາລັງປໍລະປັກ ແລະ ພວກຄົນບໍ່ຫວັງດີທີ່ຫວັງທໍາລາຍມ້າງເພຄວາມສາມັກຄີປອງດອງລະຫວ່າງເຜົ່າ ແລະ ຊັ້ນຄົນຕ່າງໆທີ່ຫວັງແບ່ງແຍກຄວາມສາມັກຄີກໍ່ຄວາມຫຍຸ້ງຍາກໃນສັງຄົມ.
  • ຕັ້ງໜ້າເອົາໃຈໃສ່ຕັ້ງໜ້າປູກຈິດສໍານຶກກ່ຽວກັບ ຄວາມສາມັກຄີປອງດອງລະຫວ່າງເຜົ່າໃຫ້ຄົນຮຸ່ນສືບທອດ.
  • ສ້າງໂອກາດ ແລະ ເງື່ອນໄຂໃຫ້ລູກຫຼານຂອງຊົນເຜົ່າຕ່າງໆໄດ້ຮັບການສຶກສາ ແລະ ວິຊາສະເພາະ.
  • ສືບຕໍ່ປະຕິບັດນະໂຍບາຍສົ່ງເສີມເພດຍິງ ແລະ ຄວາມສະເໝີພາບລະຫວ່າງຍິງ-ຊາຍ.
  • ເສີມຂະຫຍາຍສິດເປັນເຈົ້າຂອງປະຊາຊົນບັນດາເຜົ່າ, ຍົກລະດັບຄວາມຕື່ນຕົວການເມືອງ-ແນວຄິດໄປພ້ອມໆກັນ, ປັບປຸງຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງປະຊາຊົນບັນດາເຜົ່າໃຫ້ນັບມື້ນັບດີຂຶ້ນ.
  • ສືບຕໍ່ປະຕິບັດນະໂຍບາຍສະເໝີຕົ້ນສະເໝີປາຍ ແລະ ສິດເທົ່າທຽມກັນຂອງແຕ່ລະເຜົ່າບົນພື້ນຖານຄວາມສະເໝີພາບໃນການປະຕິບັດສິດ ແລະ ພັນທະຂອງພົນລະເມືອງລາວ, ຕໍ່ປະເທດຊາດຊື່ງຮັບປະກັນດ້ວຍລັດຖະທໍາມະນູນ ແລະ ກົດໝາຍແຫ່ງ ສ ປ ປ  ລາວ.

ຄະນະພັກແຕ່ລະຂັ້ນເພີ່ມທະວີຄວາມສາມັກຄີເປັນປຶກແຜ່ນຂອງປະຊາຊົນບັນດາເຜົ່າ, ເສີ່ມຂະຫຍາຍມູນເຊື້ອປະຕິວັດຂອງພັກໃນການເຕົ້າໂຮມຄວາມສາມັກຄີປອງດອງບັນດາເຜົ່າ, ບັນດາຊັ້ນຄົນ, ເພດໄວ ແລະ ສາສະໜາ; ເພີ່ມທະວີຄວາມຮັບຜິດຊອບໃນການຊີ້ນໍາ-ນໍາພາຂອງຄະນະພັກແຕ່ລະຂັ້ນຕໍ່ວຽກງານການເມືອງ - ແນວຄິດ, ອົງການຈັດຕັ້ງມະຫາຊົນ ແລະ ບັນດາອົງການຈັດຕັ້ງສັງຄົມເພື່ອໃຫ້ເຄື່ອນໄຫວໄດ້ຕາມພາລະບົດບາດສິດ ແລະ ໜ້າທີ່ຂອງຕົນ, ອອກແຮງໂຄສະນາປຸກລະດົມໃຫ້ປະຊາຊົນບັນດາເຜົ່າເຂົ້າໃຈ ແລະ ເປັນເອກະພາບໃນການຈັດຕັ້ງປະຕິບັດແນວທາງນະໂຍບາຍຂອງພັກ, ລະບຽບກົດໝາຍຂອງລັດ.

                                                         

 ໂດຍ: ກອງສີ ພາສະຫວັດ

 

 

ວີດີໂອ....

ເລກໂທ ສຸກເສີນ

ແຈ້ງໄຟໄໝ້:   1119
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

                                                           

 

               

 

ຈຳນວນຄົນອອນໄລ໌ທ

ມີ 5  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

108022
ມື້ນີ້ມື້ນີ້86
ມື້ວານນີ້ມື້ວານນີ້78
ອາທິດນີ້ອາທິດນີ້402
ເດືອນນີ້ເດືອນນີ້276
ທັງໝົດທັງໝົດ108022